Ciwanê Kurd ji ber parvekirina stranê hat desteserkirin

Hewlêr (Rûdaw) - Li navçeya Bahçelîevlerê ya Stenbolê ciwanekî Kurd ji ber ku strana tê de pesnê Ocalan tê dayîn parve kiriye hat desteserkirin.

Li navçeya Bahçelîevlerê ciwanê bi navê Î.Ç. yê 19 salî di otomobîlê de li ber strana "Daglar daglara benzer" (Çiya dişibin çiya) ku tê de pesnê Reberê PKKyê Abdullah Ocalan tê dayîn, vîdeoyek girt û li ser medyaya civakî parve kir.

Li ser vê yekê Î.Ç. di çarçoveya qanûna "Pesindana sûc û sûcdar" ji aliyê tîmên Birêvebiriya Ewlehiya ya Stenbolê ve hat destesekirin.

Hat ragihandin ku hêzên ewlehiyê Î.Ç. biriye qerekolê û piştî wergirtina îfadeyan dê wî bibin dadgehê.