Li Rîzeyê hezaz: Mirî û birîndar hene

Hewlêr (Rûdaw) – Li taxa Eskîpazarê ya navçeya Çayeliyê ya Rîzeyê, hezaz çêbû û di encamê de kesek mir û 3 kes jî birîndar bûn.

Li taxa Çayeliyê, ji ber barana zêde hezaz çêbû û ax bi ser avahiyeke 6 qatî de herifî.

Li ser agahdarkirinê tîmên tenduristiyê, AFAD û tîmên parastina sivîlan û polîs çûn cihê bûyerê.

Li gorî agahiyên destpêkê, Yakup Bayraktarê ku li qata yekem dijiya di bin axê de ma û mir.

Her wiha 3 kesên din jî birîndar bûn.

Tîmên tenduristiyê kesên birîndar veguhastin nexweşxaneyê.

Li aliyê din, kesên ku di apartmanê de asê mabûn jî ji aliyê îtfaiyeyê ve hatin derxistin.