3 birayên Îranî mirî hatin dîtin

Hewlêr (Rûdaw) - Li bajarê Antalyayê yê Tirkiyeyê 3 birayên ku tê gotin ji Îranê ne di mala xwe de mirî hatin dîtin.

Li gorî zanyariyan xizmên 3 birayên Îranî yên ku li taxa Guzelobayê ya Antlayayê di qata 8emîn a avahiyekê de diman, demek e ji wan agahî wernegirtine.

Li ser vê yekê saet derdora 15:00an hêzên ewlehiyê ji rewşê hatin agahdarkirin.

Li ser agahdarkirinê hêzên ewlehiyê çûn mala wan û derî şikand û ketin hundir.

Polîsan termê her sê birayên Îranî di heman odeyê de dîtin.

Li gorî lêkolînên destpêkê her sê bira di temenên derdora 30 salî de ne û berî 10 rojan mirine.

Heta niha sedema mirina wan nehatiye ragihandin.

Lêkolînên li ser bûyerê didomin û piştî karûbarên otopsiyê dê sedema mirina wan diyar bibe.