Bi çekê gule li hevjîna xwe reşandin

RÛDAW

Hewlêr (Rûdaw) - Li navçeya Daricayê ya parêzgeha Kocaeliyê ya Tirkiyeyê kesekî piştî nîqaşê hevjîna xwe bi çekê kuşt.

Li kolana Erayê ya taxa Nenehatûnê ya Daricayê ya Kocaeliyê di navbera Şener A. (60) û hevjîna wî Hazal A. (60) de nîqaş derket.

Di dema nîqaşê de Şener A. bi çekê gule li hevjîna xwe reşandin.

Li ser agahdarkirinê tîmên tenduristiyê û polîs çûn cihê bûyerê.

Tîmên tenduristiyê diyar kir ku Hazal A. miriye û wan termê wê bir morgê.

Hazal A. dayîka 5 zarokan bû.

Gumanbarê ku reviyabû pişt re teslîmî polîsan bû.

Piştî karên li birêvebiriya polîsan Şener A. sewqî Dadgeha Gebzeyê hat kirin û hat girtin.