Nêçîrvan Barzanî li gel Cîgirê Serokwezîrê Qeterê civiya

RÛDAW

Hewlêr (Rûdaw) - Di çarçoveya Korbenda Dîplomasiyê ya Antalyayê de, Serokê Herêma Kurdistanê Nêçîrvan Barzanî li gel Cîgirê Serokwezîr û Wezîrê Derve yê Qeterê Şêx Mihemed Bin Ebdulrehman El Sanî civiya

Îro Înê (11.03.2022) Serokê Herêma Kurdistanê Nêçîrvan Barzanî li gel hejmarek ji serkirdeyên cîhanê, beşdarî Korbenda Dîplomasî ya Antalyayê bû.

Li gor daxuyaniya Serokatiya Herêma Kurdistanê, Nêçîrvan Barzanî ligel Cîgirê Serokwezîr û Wezîrê Derve yê Şêx Mihemed Bin Ebdulrehman El Sanî civiya û di daxuyaniyê de hat ragihandin “Pêşhatên dawî yên rewşa Ukraynayê û bandorên şer û encamên wê, peywendiyên Iraq û Herêma Kurdistanê ligel Qeterê, rewşa Efxanistanê û navçeyê bi giştî hatin gotûbêjkirin.”

Roja Înê 11.03.2022, Serokê Herêma Kurdistanê Nêçîrvan Barzanî bi mebesta beşdariya li duyemîn Korbenda Dîplomasiyê ya Antalyayê gihîşt wî bajarî.

Serokatiya Herêma Kurdistanê ragihand ku di çarçoveya korbenda ku heta 13.03.2022an berdewam bike, Nêçîrvan Barzanî ji bo gotûbêjkirina pêşhateyên dawî û mijarên germ yên rojêve dê çendin hevtîtin û civînan pêk bîne.

Serokê Herêma Kurdistanê Nêçîrvan Barzanî û Wezîrê Derve yê Iraqê Fuad Husên beşdarî korbendê dibin. Li gor daxuyaniya Serokatiya Herêma Kurdistanê, Nêçîrvan Barzanî “li ser vexwendineke fermî giheşte Tirkiyê û digel serkirde û berpirsên mezinên welatên cîhanê dê beşdariyê di kar û çalakiyên Korbenda Diplomasî ya Antalyayê da bike.”

Korbenda Dîplomasiyê ya Antalyayê ku îro dest pê kir û dê 3 roj berdewam bike, 15 serok, serokwezîr û 67 wezîr beşdarî korbendê dibin.