Derbarê Îmamoglu de dozeke din hat vekirin

Hewlêr (Rûdaw) - Derbarê Şaredarê Bazarê Mezin a Stenbolê Ekrem Îmamoglu de bi tawana “gendeliya di îhaleyê de” dozeke din lê hat vekirin.

Wezareta Navxwe ya Tirkiyê piştî lêkolîna li ser Serokê Şaredarê Beylikduzuyê yê wê demê Ekrem Îmamoglû gilî kir.

Rûniştina ewil a doza ku li ser îxbara Wezareta Navxwe der barê Îmamoglû de hatibû vekirin dê di 15'ê Hezîrana 2023'an de li Dadgeha Cezayê Asliye ya Büyükçekmeceyê bê dîtin.

Serdozgeriya Komarê ya Buyukçekmeceyê derbarê 7 navan de ku Îmamoglû jî di nav de ye, bi îdiaya “gendeliya di îhaleyê de” ji 3 sal heta 7 salan cezayê girtîgehê hat xwestin.