Hevserokên DEM Partiyê çûn serdana DÎSKê

Tulay Hatîmogullari û Tuncer Bakirhan çûn serdana DÎSKê / Wêne: Ajans

Stenbol (Rûdaw) - Hevserokên DEM Partiyê Tulay Hatîmogullari û Tuncer Bakirhan îro li Stenbolê çûn navenda DÎSKê.

Hevserokên DEM Partiyê, bi Seroka Sendîkaya Karkerên Şoreşger (DÎSK) Arzu Çerkezogluyê re bi qasî saetekê hevdîtin pêk anî.

Piştî hevdîtinê Hevserokên DEM Partiyê daxuyanî neda.

DEM Partiyê piştî nîqaşên “pêvajoya nû ya çareseriyê” biryar dabû ku bi partiyên mixalefetê, bi sendîka û saziyên civaka sivîl re hevdîtinan pêk bîne.

Di vê çarçoveyê de Hevserokên DEM Partiyê Tulay Hatimogullari û Tuncer Bakirhan, hefteyên borî çûbûn serdana CHP, Partiya Paşerojê û Partiya Yenîden Refahê.

DEM Partiyê her wiha beriya çend rojan jî sendîkaya TURK-Îşê jî ziyaret kiribû.