KOCAELÎ - Li TUPRAŞê teqîn çêbû

Hewlêr (Rûdaw) – Li parêzgeha Kocaeliyê yê Tirkiyeyê li parzûngeha TUPRAŞê teqînek çêbû.

Teqînê li navçeya Îzmîtê rû da û dûxana piştî teqînê ji gelek deveran hat dîtin.

Gelek tîmên agirvemirandinê diçin cihê bûyerê.

Karker ji TUPRAŞê hatin derxisitin û ji ber ihtîmala teqîneke duyem malên li derdorê tên valakirin.

"Tiştekî neyînî nîne"

Serokê Şaredariya Kocaeliyê Tahîr Buyukakin da zanîn ku teqînê dema tetbîqatekê rû daye û da zanîn:

“Rewş hatiye kontrolkirin, niha tiştekî neyînî nîne. Agir jî hatiye kontrolkirin. Pêwîst nake welatiyên me bi fikar bin.”

TUPRAŞ saziya pîşesaziyê ya herî mezin a Tirkiyeyê ye.