ÎYÎ Partî: Pêwîstî bi Hevpeymana Miletê nema

Navenda Nûçeyan – Berdevkê ÎYÎ Partiyê derbarê hevpeyamniya ligel CHP û Partiya Saadetê bo hilbijartinan pêk anî de ragihand ku hevpeymaniya wan bo hilbijartinan bû û niha jî ti pêwîstî bi wê nemaye.

 

Piştî hilijartinên 24ê Hezîranê yên serokomarî û parlamentoya Tirkiyê, Dîvana Serokatiya ÎYÎ Partiyê cara ewil civiya û encamên hilbijartinan nirxandin.

Berdevkê ÎYÎ Partiyê Aytun Çiray piştî civînê daxuyanî da û ragihand pêwîstî bi “Hevpeymana Milet” nemaye.

Aytun Çiray wiha got: “Hevpeymaniya Milet ji bo hilbijartinan bû. Piştî ku hilbijartin bidawî hatin ti pêwîst bi vê hevpeymaniyê jî nemaye.”

Çiray da zanîn ku ew dê piştî civîna ku endamên rêveberiya giştî û parlamenter têde amade ne, nexşerêya xwe diyar bikin.