Xalên Desteya Danûstandinkar a Opozisyona Sûriyê gotûbêj kirin

04-06-2023

Hewlêr (Rûdaw) - Piştî 3 salan ji rawestana civînên Desteya Danûstandkar a Opozisyona Sûriyê, pêkhateyên wê desteyê li Cenêvê civiyan ji bo ku nakokiyên xwe çareser bikin.

Civînên Desteya Danûstandinkar a Opozisyona Sûriyê îro Yekşemê 4ê Hezîran 2023yan li Cenêvê bidawî bûn.

Desteya Danûstandinkar a Opozisyona Sûriyê bi dirêjiya civînên herdu rojên 3 û 4ê ezîranê li Cenêvê, çend xalên jêrîn gotûbêj kirin:

- Gotûbêjkirina pêşhateyên siyasî, herêmî û navdewletî.

- Bilindkirina asta hevahengî û karê hevbeş.

- Aktîvkirina prosesa siyasî.

- Tekezîya li ser çareseriya li ser bingeha biryara 22.54 a navdewletî.

- Pêkanîna hevdîtin ligel hinek welatên bi bandor di dosyeya Sûriyê de.

Desteya Danûstandinan ji van pêkhateyan pêk tê:

Îtîlafa Opozisyona Sûriyê
Heyet el-Tensîq
Platforma Qahîre
Platforma Mosko
Artêşa Niştimanî
Kesayetiyên serbixwe