HSD: Tebqa hate kontrolkirin

RÛDAW

Hewlêr (Rûdaw) – Hêzên Sûriyeya Demokratîk (HSD) ragihand, ku tevahiya bajarê Tebqa ya Sûriyê ji destê DAIŞê hatiye derxistin.


HSDê ragihand, ku bajarê Tebqayê bi temamî ji aliyê hêzên wan ve hatiye rizgarkirin. Medyaya nêzîkê HSDê da zanîn, ku di du rojên dawî de 9 tax ji aliyê şervanan ve hatine kontrolkirin.

 

Fermandarekî HSDê yê bi navê Ebdulqadir Hêvîdilî jî got, ku ji sedî 90 bajarê Tebqayê hatiye rizgarkirin.

 

Hêvîdilî da  zanîn, ku di şer de 75 çekdarên DAIŞê hatine kuştin, hejmarek tang û otomobîlên zirxî ketine destê şervanan de

 

Tebqa piştî avakirina Bendava Feratê hatiye damezrandin. 55 kîlometreyan rojavayê bajarê Reqayê ye û 150 kîlometre ji Helebê dûr e.

 

Roja 4ê Sibata 2017ê şervanên HSDê sêyemîn qonaxa Operasyona Hêrsa Feratê ragihandibûn. Armanca vê operasyonê dorpêçkirina Reqayê ye.