Dêrbarê Kosret Resûl de biryara girtinê!

RÛDAW

Hewlêr (Rûdaw) –Encûmena Bilind a Dadwerî ya Iraqê, derbarê Cîgirê Yekemîn ê Sekreterê Giştî yê YNKê û Cîgirê Serokê Herêma Kurdistanê Kosret Resûl de, bi tometa ku ji hêzên ewlekariya Iraqê re gotiye “dagirker”, biryara girtinê da.

 

Berdevkê Fermî yê Encûmena Bilind a Dadwerî, dadwer Ebdulsettar Bayraqtar bi daxuyaniyekê ragihand, ku Dadgeha Lêkolînê ya Resafe fermana desteserkirina Kosret Resûl Elî daye.

 

Dadwer Ebdulsettar Bayraqtar eşkere kir, ku ev biryar ji ber wê wekê hatiye derxistin, ku di daxuyaniyên xwe de Resûl navê hêzên artêş û polîsên Iraqê weke “dagirker” binav kiriye.

 

Bayraqtar da zanîn, ku dadgeh daxuyaniyên Kosret Resûl weke bêbextî û handana li dijî hêzên çekdar nirxandiye û li ser hîmê madeya 226 a Yasaya Cezaya Iraqê biryara destgîrkirinê daye.