Nêçîrvan Barzanî û Sûdanî li Bexdayê civiyan
Hewlêr (Rûdaw) – Serokê Herêma Kurdistanê Nêçîrvan Barzanî û Serokwezîrê Îraqê Mihemed Şiya Sûdanî civiyan.
Serokê Herêma Kurdistanê Nêçîrvan Barzanî îro çû Bexdayê
Nêçîrvan Barzanî piştî civînên bi Serokê Encumena Bilind a Dadwerî ya Îraqê Fayeq Zêdan û Serokê Dadgeha Bilind a Federal a Îraqê Casim Mihemed Ebûd re bi Serokwezîrê Îraqê Mihemed Şiya Sûdanî re jî civiya.
Di vê serdanan Nêçîrvan Barzanî de du mijarên girîng têne gotûbêjkirin.
Yek mûçeyên pêşmerge û fermanberên Herêma Kurdistanê, budce û pişka Herêma Kurdistanê ye.
Mijara duyemîn jî hilbijartinên Parlamentoyê Kurdistanê ye.
Serokê Herêma Kurdistanê Nêçîrvan #Barzanî û Serokwezîrê Îraqê Mihemed Şiya Sûdanî li Bexdayê ji bo çareserkirina pisgirêkên navbera Hewlêr û Bexdayê civiyan pic.twitter.com/CZcx8XRznm
— RudawKurdi (@RudawKurdi) May 14, 2024
Nêçîrvan Barzanî herî dawî 27ê Nîsanê çûbû Bexdayê û bi serkirdeyên Îraqê re civiyabû.
Berdevkê Serokatiya Herêma Kurdistanê Dilşad Şehab ragihand ku di civîna Nêçîrvan Barzanî û Sûdanî de dê mijarên hevbeş bên gotûbêjkirin.