Helbestvanekî Tirkman li Iraqê hat kuştin

Hewlêr (Rûdaw)- Polîsê Iraqê termê helbestvanê iraqî yê Tirkman Casim Mihemed Ferec Tozlo dîtin.

Casim Mihemed Ferec Tozlo berî 24 saetan ji aliyê çekdarên nenas ve li qeza Dûzxurmato ya girêdayî parêgeha Selahedînê hatibû revandin.

Li gor nûçeya ajansa UPA, çavkaniyeke ewlekariyê got ku termê helbestvan Casim li ser rêya di navbera bajarê Tikrîtê (navenda parêzgeha Selahedînê) û Dûzxurmato de ji aliyê polîs ve hat dîtin.

Çavkaniyê bal kişand ku şûna fîşekan di serê Casim de diyar bû.

Hêzên polîs jî derbarê bûyerê de dest bi lêkolînê kirine.