Danezana Lûtkeya Hevpar a Yekîtiya Ereban û Teşkîlata Hevkariya Îslamî hat eşkerekirin
Hewlêr (Rûdaw) - Li Riyada paytexta Erebistana Siûdiyê, Lûtkeya Hevpar a Yekîtiya Ereban û Teşkîlata Hevkariya Îslamê hat lidarxistin.
Piştî Lûtkeya Hevpar a Yekîtîya Ereban û Teşkîlata Hevkariya Îslamê danezana ku serokên dewlet û hikûmetên welatên endamên Teşkîlata Hevkariya Îslamê û Lîga Ereban li serê li hev kir, hat weşandin.
Di daxuyaniyê de bangî dewletan hat kirin ku demildest hinardeya çekên ku artêşa Îsraîlê li Xezeyê bi kar tîne rawestînin.
Yekîtîya Ereban û Teşkîlata Hevkariya Îslamê di danezana lûtkeyê de got:
"Em ji Dadgeha Cezayê ya Navneteweyî dixwazin ku lêpirsîna derbarê sûcên şer ên ku Îsraîlê kirine temam bike.
Em bangî Rêxistina Qedexekirina Çekên Kimyewî dikin ku derbarê bikaranîna çekên kimyewî ya ji aliyê Îsraîlê ve lêkolînê bike.
Em bang dikin ku konferanseke aştiyê ya navneteweyî di demeke kurt de bicive.
Em dixwazin ku dorpêça li dijî Xezeyê bê şikandin û karwanên alîkariyê demildest bikevin herêmê."