Karîkaturîstê Îtalî bavê Kurd û telîsê hestiyan xêz kir
Hewlêr (Rûdaw) - Karîkaturîstê navdar ê Îtalî Gianluca Costantini karîkaturek li ser hestiyên Hakan Arslan ê ku di sala 2015an de li Sûra Amedê di pevçûnan de jiyana xwe ji dest da, di telîsekî de radestî bavê wî kiribûn, xêz kir.
Costantini karîkaturê xwe li ser medyaya civakî parve kir û got “Dadgeheke parêzgeha Amedê ya li başûrê rojhilatê Tirkiyê, hestiyên Hakan Arslan ê ku di operasyoneke leşkerî de li bajêr jiyana xwe ji dest dabû, piştî nêzîkî 7 salan di kîsekî plastîk de bi awayekî bê merasîm radestî malbata wî kirin.”
A court in #Turkey’s southeastern province of #Diyarbakır has returned the remains of Hakan Arslan unceremoniously to his family in a plastic bag nearly seven years after he died during a military crackdown in the city.
— Gianluca Costantini (@channeldraw) August 30, 2022
Info: https://t.co/v07RxH8Knn pic.twitter.com/3gMS3jBqMi
Di Mijdara 2021an de hestiyên ku ji sedî 95 ê Hakan Arslan e ji Saziya Tiba Edlî ya Stenbolê şandibûn Edliyeya Amedê.
Hestiyên Arslan ên ku roja Pêncşemê gihiştin Edliyeya Amedê, ji wê rojê ve li odeya dozgerê ku bi dosyayê re mijûl dibe dihat ragirtin, di telîsekî de radestî bavê wî hat kirin.
Li ser agahdarkirinê bavê Hakan Aslan, Alî Riza Aslan ji Erzeromê hat Amedê û çû Edliyeya Amedê.
Hestiyên Hakan Aslan di telîs de radestî bavê wî hat kirin. Alî Riza Aslan piştî ku hestiyên kurê xwe wergirt, ji bo defnkirinê ber bi Erzeromê ve bi rê ketibû.
Cenazeyê Hakan Arslan li bajarê wî Erzeromê bi axê ve hat spartin.