Li Rihayê nêzîkbûna cejna Qurbanê bazara ajelan germ kiriye

Hewlêr (Rûdaw) - Li bajarê Riha yê Bakurê Kurdistanê, ligel nêzîkbûna Cejna Qurbanê, bazara ajelan germ bûye û li Bazara ‎Ajelan a li Taxa Yenîce ajeldaran dest bi firotinê kirin.

 

Ligel nêzîkbûna Cejna Qurbanê ajeldar bi hêvî ne bazar germtir bibe.‎

Di demekê de ku çend roj mane ji Cejna Qurbanê re, ajeldar berx, mî û gayên xwe dibin bazarê û ‎difroşin.

 

Hinek kiryar gazinan ji giranbûna nirx dikin û ajeldar jî dibêjin, ji ber êm û alif giran bûye, lewra ‎nirx giran tên dîtin.‎

Ajeldar bi hêvî ne ku çend rojên din bazara wan germtir bibe û bikaribin fêdeyeka baş bikin.