AMED - 4 wesayît li hev qelibîn: 3 mirî û 4 birîndar hene
Hewlêr (Rûdaw) - Li navçeya Bismilê ya parêzgeha Amedê ya Bakurê Kurdistanê 4 wesayît li hev qelibîn û li gorî tesbîtên ewil 3 kes mirin û 4 kes birîndar bûn.
Li navçeya Bismilê 4 wesayîtên ku hîn jî plaka û navê ajokarên wan nehatiye zanîn li hev qelibîn.
Li ser agahdarkirinê ekîbên tenduristî û cendirme çûn cihê qezayê.
Di qezayê de li gorî tesbîtên ewil 3 kes mirin û 4 kes birîndar bûn.
Tîmên tenduristiyê birîndar bi ambulansan rakirin nexweşxaneyên li bajêr.