Li Erziromê qeza: 23 kes birîndar bûn
Hewlêr (Rûdaw) - Li parêzgeha Erziromê ya Bakurê Kurdistanê di qezayeke trafîkê de 23 kes birîndar bûn.
Bûyer, îro li Taxa Zanîngehê li ser Cadeya Îpekê çêbû.
Li gorî agahiyan, serwîsa karmendên navendeke taybet a pîr û kalan, dema lempeya sor pêketibû li otobûsa veguhestinê ya nav bajêr daye.
Otobûsê jî li otomobîleke pêşiya xwe daye û ji paş ve sê otomobîlên din li hev qelibîne.
Di vê qezayê de 23 kes birîndar bûn û birînên wan sivik in.
Li ser agahdarkirinê tîmên tenduristiyê û tîmên parastina sivîlan çûn cihê bûyerê.
Tîman birîndar bi ambûlansan veguhastin Nexweşxaneya Bajêr a Erziromê û Nexweşxaneya Lêkolînê ya Zanîngeha Ataturkê.
Piştî bûyerê rê hat girtin, dema lêkolîn qediyan û otomobîl ji ser rê hatin rakirin, dîsa hat vekirin.
Dîmenên kêliya qezayê ji aliyê kamereya çavdêriyê ve hatine girtin.