Li Sêwazê qeza: 7 kes birîndar bûn

Hewlêr (Rûdaw) - Li navçeya Xafika Sebasetê ya parêzgeha Sêwazê ya Bakurê Kurdistanê di bûyereke trafîkê de 7 kes birîndar bûn.

Li gorî zanyariyan li ser rêya sereke ya Sêwaz û Erzinganê li nêzîkî gundê Yarhîsarê yê navçeya Xafika Sebaseta Sêwazê 2 otomobîl li hev qelibîn.

Di encama bûyerê de 7 kesên di her du otomobîlan de birîndar bûn.

Tîmên tenduristiyê çûn cihê bûyerê û birîndar rakirin nexweşxaneyên bajêr.