Navê Jîna Emînî bû taga herî populer a 2022an

RÛDAW

Hewlêr (Rûdaw) - Platforma medyaya civakî Instagramê tagên herî populer ên sala 2022an eşkere kirin. Mijarên îsal ên herî zêde hatin nîqaşkirin û axaftin jî di lîsteya Instagramê de cih girtin.

Platformên medya civakî parvekirina lîstên xwe yên herî populer ên 2022an berdewam dikin.

Berî çend rojan TikTok û Twitterê trendên xwe yên 2022an parve kirin û îro parvekirinek ji Instagramê hat.

Tagên ku îsal herî zêde hatine bikaranîn ji aliyê Instagramê ve hatin parvekirin.

Di nav tagên herî populer de hate dîtin ku bikarhêneran bertekên li ser bûyer û çalakiyên civakî ji nêz ve dişopînin.

Di mehên yekem ên sala 2022an de, li ser Instagramê ji ber şerê Rûsya û Ukraynayê bertekên mezin hatin nîşan dan. Yek ji tagên ku di destpêka salê de herî zêde ji aliyê bikarhêneran ve hatiye bikar anîn #standwithukraine bû.

Li aliyê din, piştî kuştina keça Kurd Jîna Emînî ya 22 salî ji aliyê polîsên exlaqî yên Îranê, taga "#MahsaAmini" ku ji bo piştgiriya xwepêşandanên Rojhilat û Îranê hatibû parvekirin, bû yek ji haştagên herî populer.

Tiştên kesane yên kesên wekî #Airfrying, #NFT û #strangerthings ji Teleskopa Fezayê ya James Webb derketin pêş. Her wiha Kûpaya Cîhanê ya ku li Qeterê hat lidarxistin cihê xwe di lîsteyê de girt û #fifaworldcup bû yek ji tagên ku herî zêde hatiye bikaranîn.

Tagên ku herî zêde li ser Instagramê hatine bikar anîn, ev in;

- #MAHSAAMINI

- #TAYLORSWIFT

- #STANDWITHUKRAINE

- #FIFAWORLDCUP

- #NFT

- #AIRFRYER

- #STRANGERTHINGS

- #SPYXFAMILY (Anîmeya herî populer a vê dawiyê)

- #BOOKSTRAGRAM (Bikarhênerên ku pirtûkên ku dixwînin li ser Instagramê parve dikin, li ser van pirtûkan nirxandinên kurt dinivîsin û vîdeoyan digirin)

- #JAMESWEBBSPACETELESCOPE (Teleskopa Fezayê ya James Webb)