Nêçîrvan Barzanî li ser êrişa li Enqereyê: Şermezar dikim!
Hewlêr (Rûdaw) – Serokê Herêma Kurdistanê êrişa çekdarî ya li Enqereyê şermezar kir.
Li navçeya Kahramankazanê ya parêzgeha Enqereyê li Şirketa Hevpar a Pişesaziya Feza û Hewayê ya Tirkan (TUSAŞ) êrişeke çekdarî hat kirin û piştî wê dengê teqînan hat bihîstin.
Li gorî daxuyaniya Wezîrê Karên Navxwe yê Tirkiyeyê Alî Yerlîkaya di êrişa çekdarî de heta niha 5 kes hatine kuştin û 22 kes jî birîndar bûne.
Alî Yerlîkaya her wiha da zanîn ku 2 êrişkar jî hatine kuştin.
Serokê Herêma Kurdistanê Nêçîrvan Barzanî li ser êrişa çekdarî ya li Enqereyê daxuyaniyek da.
Nêçîrvan Barzanî ji malbatên kuştiyan re sersaxî xwest û ji birîndaran re daxwaza şîfayê kir û got:
“Ez êrişa terorî ya îro ya li Enqereyê şermezar dikim.
Duayên min ji malbatên qurbaniyan re ne û ji birîndaran re jî şifayê dixwazim.
Em li dijî terorê bi gel û Hikûmeta Tirkiyeyê re di nava piştevaniyê de ne.”
I condemn today’s terrorist attack in Ankara. My thoughts and prayers are with the families of the victims, and I wish a swift recovery to the injured. We stand in full solidarity with the people and government of Türkiye against terrorism.
— Nechirvan Barzani (@IKRPresident) October 23, 2024
Wezîrê Parastinê yê Tirkiyeyê Yaşar Guler li ser êrişa li Enqereyê daxuyaniyek da û diyar kir ku “êriş ji aliyê PKKyê ve hatiye kirin”.
PKKyê heta niha li ser êrişê ti daxuyanî nedane.
Serokê Herêma Kurdistanê Nêçîrvan Barzanî:
— RudawKurdi (@RudawKurdi) October 23, 2024
🔴 Ez êrişa li Enqereyê şermezar dikim #Ankara #TUSAŞ pic.twitter.com/KaHEVxb9tZ