Li Mereşê erdhej çêbû

RÛDAW

Hewlêr (Rûdaw) - Li navçeya Elbîstanê ya Mereşê ya Bakurê Kurdistanê bi hêza 4 pile erdhejek çêbû û kûrahiya wê zêdeyî 8 kîlometre bin erdê bûye.

Serokatiya Rêveberiya Karesat û Rewşên Bilez (AFAD) ragihand ku îro Yekşemê 23ê Temûza 2023an li navçeya Elbîstanê ya Mereşê demjimêr 13:48 deqe bi hêza 4 pile erdhejek çêbûye û kûrahiya wê jî 8.76 kîlometre bin erdê bûye.

Li Tirkiye û Bakurê Kurdistanê piştî erdhejên navend Mereş ku 6ê Sibata îsal çêbûbûn erdhejên paşekî berdewam in.

Her wiha pispor bo çend parêzgehan hişyarî didin ku egera erdhejên pile mezin heye.