Daxuyaniyek ji 32 partiyên Kurdistanê ve li ser êrişên Iraqê

Hewlêr (Rûdaw) - 32 partiyên siaysî yên Başûrê Kurdistanê di daxuyaniyeke hevbeş de bi tundî li dijî êrişên Heşda Şeibî û artêşa Iraqê bo ser Kerkûkê û navçeyên dinên Kurdistanî derketin û ragihandin: Em bi tundî êrişên serbazî û biryarên siyasî û aboriyên hikûmeta Iraqê, ku derheqê Herêma Kurdistanê û navçeyên Kurdistanî yên li derveyê îdareya Herêmê hatine encam dan, şemezar dikin û red dikin.

 

Îro 32 partî û aliyên siyasî yên Başûrê Kurdistanê ji bo gotûbêjkirin û nirxandina rewşa Kurdistanê piştî êrişên artêşa Iraqê û Heşda Şeibî bo ser Kerkûkê û navçeyên Kurdistanî yên din li Hewlêrê civiyan û daxuyaniyek hevbeş belav kirin.

 

Di vê daxuyaniyê de, her 32 partiyên siaysî ji tevahiya pêkhateyan dan xuyakirin: Em van êriş û biryarên Iraqê bi nedestûrî û nedemokratîk û li dijî mirovatiyê dizanin û ji aliyê tevahiya gelê Kurdistanê ve têne redkirin, ev kirdarên sebazî yên Iraqê nabin defakto û demkî ne.

 

Naveroka daxuyaniyê bi vî awayî ye:

 

-Hemû aliyên siyasî tekezî li ser yekrêzî û yekdengiya hemû hêz û aliyên siyasî yên li Kurdistanê kirin û ji bo serkeftin û çareserkirina pirsgirêkan vê yekê weke zemîn dizanin.

 

-Em bi tundî êrişên serbazî û biryarên siyasî û aboriyên hikûmeta Iraqê, ku derheqê Herêma Kurdistanê û navçeyên Kurdistanî yên li derveyê îdareya Herêmê hatine encam dan, şemezar dikin û red dikin. Em van êriş û biryarên Iraqê bi nedestûrî û nedemokratîk û li dijî mirovatiyê dizanin û ji aliyê tevahiya gelê Kurdistanê ve têne redkirin, ev kirdarên sebazî yên Iraqê nabin defakto û demkî ne.

 

-Em bersivê didin banga civaka navnetewî û hevalbendên xwe em amade ne tevahiya pirsgirêkan bi rêya guftogayan çareser bikin û em her tim ligel wê yekê bûne. Lê mixabin aliyê Iraqê mantiqê serbazî ji xwe re hilbijartiye. ji ber vê yekê jî em niha amade ne dest bi diyalogên bê merc û li gorî destûr û dûr ji siyasetên ferzkirinê bikin. Divê Iraq di çarçoveya naskirina mafên Kurdan de bê li ser maseyê gotûbêjan û ji bo vê mijarê jî Hikûmeta Herêma Kurdistanê nûneritiya gelê Kurdistanê dike.

 

-Em weke aliyên siyasî bi tundî her hewldanên dixwazin  du rêveberiyê ji nû ve zindî bike red dikin. Pêwîst e Herêma Kurdistanê bo her guftogoyên bi hikûmeta Iraqê re bê encamdan yekgirtî be.

 

-Giştpirsî mafeke destûrî yê gelê Kurdistanê ye û  em dev ji vê yekê bernadin û divê Iraq û civaka navdewletî ji ber wê mafî gelê Kurdistanê ceza neke.

 

-Em li vir ji medyayên bi ser partiyên siyasî û tevahiya dezgehên medyayî daxwazê dikin ku xwe ji zimanê xirab û nehênî dûr bixin. Pêwîst e nûçe û bûyeran bi rastî veguhezînin û aştiya civakî û yekgirtiyê biparêzin.

-Em li vir ji medyayên bi ser partiyên siyasî û tevahiya dezgehên medyayî daxwazê dikin ku xwe ji zimanê xirab û nehênî dûr bixin. Pêwîst e nûçe û bûyeran bi rastî veguhezînin û aştiya civakî û yekgirtiyê biparêzin.

-Em di dawiyê de slavên xwe pêşkêşî giyanê pak ên tevahiya şehîdên Kurdistanê û taybetî yên li Kerkûk, Xurmato û Xaneqîn dikin. Em têkoşîna pêşmergeyên leheng ên Kurdistanê bilind dinerxînin û em rêzê ji wan digirin. Em slavên xwe pêşkêşî xweşk û birayên me yên bi zora hêzên iraqê koçberbûnê re jî dişînin.

 

-Di dawiyê de îradeya gelê Kurd dê bi serbikeve û ti hêzeke nikare mafên Kurdan tune bikin.

 

 

Partî û tevgerên siyasî

 
Partiya Demokrata Kurdistanê (PDK)
 
Yekîtiya Niştîmanî ya Kurdistanê (YNK)
 
Partiya Komîsta Kurdistanê
 
Yekîtiya Niştîmanî ya Demokrata Kurdistanê
 
Partiya Sosyalîst a Demokrata KuKürdistanê
 
Partiya Zehmetkêşan û Karkerên Kurdistanê
 
Bizava Demokrasî ya Gelê Kurdistanê
 
Yekgirtûya Îslamî ya Kurdistanê (Yekgirtû)
 
Partiya Parastina Kurdistanê
 
Partiya Pêşverû ya Demokrata Kurdistanê
 
Biava Rizgariya Demokrata a Kurdistanê
 
Bizava Aştîxwazên Kurdistanê
 
Partiya Parastvanên Demokrat a Kurdistanê

Partiya Niştîmanî ya Kurdistanê
 
Bizava Komeleya Sûryuanî
 
Partuya Demokrata a Maveraûnnehîr
 
Yekîtiya Neteweyî ya Maveraûnnehîri
 
Partiya Demokrata a Keldanî
 
Konseya Netewî ya Keldanî
 
Rîxistina Cîhanî ya Keldanî
 
Partiya Neteweyî ya Aşûrî
 
Bizava Demokratên Serbixwe ya Xiristiyanan
 
Partiya Geşedan a Tirkmenî
 
Partiya Demokrat a Tirkmenî
 
Komeleya Liberal a Tirkmenî
 
Komeleya Kulturî ya Tirkmen
 
Partiya Niştîmanî ya Tirkmen
 
Klûbê Ocaga Tirkmen
 
Bizava Demokrat a Tirkmen
 
Partiya Reform a Tirkmen
 
Eniya Yasa ya Tirkmen