Mesrûr Barzanî û Ciwan Haco civiyan

Hewlêr (Rûdaw) – Serokwezîrê Herêma Kurdistanê Mesrûr Barzanî, li Hewlêrê bi hunermendê navdar Ciwan Haco re civiya.

Ofîsa Serokwezîriya Herêma Kurdistanê derbarê hevdîtina Mesrûr Barzanî û Ciwan Haco daxuyanî da.

Li gorî daxuyaniyê, Mesrûr Barzanî di wê hevdîtinê de pesnê kar û berhemên hunerî û rola welatperweriyê ya Ciwan Haco da.

Mesrûr Barzanî her wiha amaje bi wê yekê kir ku Ciwan Haco ji bo hunera Kurdî xizmeteke gelekî baş kiriye û hêviya serkeftinê ji wî re xwest.