XARPÊT - Berazên birçî daketin gund: ‘Gundî ditirsin!’

RÛDAW

Hewlêr (Rûdaw) - Li navçeya Baskîlê ya parêzgeha Xarpêtê ya Bakurê Kurdistanê, revda berazên kovî yên ku birçî mabûn daket gundê Heysînanê û zerer da bax û baxçeyên gundiyan.

Li gelek bajarên Bakurê Kurdistanê berf û sermaya zêde bandoreke neyînî li jiyana ajelên kovî kiriye.

Ajelên ku piştî barîna berfa zêde nikarin li xweza û daristanê xwarinê peyda bikin bi şevan dadikevin gundan.

Berazên ku daketin gundê Heysînanê û li xwarinê digeriyan ji aliyê kamerayên çavdêriyê ve hatin tomarkirin.

Gundiyê bi navê Adnan Akin ji Rûdawê re got:

“Berazên kovî şeva borî daketin gundê me Heysînanê.

Beraz zererê didin bax û baxçeyên sebze û fêkiyan gundiyan û di nava gundiyan de tirs çêbûye.”

Adnan Akin her wiha da zanîn ku beraz darên biçûk jî dişikînin.