ROJAVA - YPJ û Koalîsyon li hev civiyan

Hewlêr (Rûdaw) - Fermandar û birêvebirên Hevpeymaniya Navneteweyî ya li Dijî DAIŞê (Koalîsyon), li Rojavayê Kurdistanê şervan û fermandarên YPJyê (Yekîneyên Parastina Jinan) ziyaret kirin.

Navenda Ragihandinê ya YPJyê li ser ziyaretê daxuyaniyeke nivîskî da û got:

“Yekîneyên me bi jinên di nav Koalîsyona navneteweyî re li hev civiyan.

Di hevdîtinê de li ser danehev û tecrubeyên YPJyê, girîngiya xweparastinê û rola jinê di birêveçûna civakan de hat sekinîn.”

“Divê têkoşîn domdar be”

Di daxuyaniyê de amaje pê hat kirin ku DAIŞ jî mijareke hevdîtinan bû û hat gotin:

“Di hevdîtinê de li ser têkoşîna li dijî DAIŞê û ewlehiya giştî ya herêmê nêrîn hatin parvekirin.

Her wiha hat diyarkirin ku divê ev têkoşîn bi awayekî domdar bi baldarî were meşandin.”