Li Başûrê Kurdistanê leşkerek hat kuştin û yek jî birîndar bû
Hewlêr (Rûdaw) - Wezareta Parastinê ya Tirkiyeyê ragihand ku li Başûrê Kurdistanê leşkerekî wan hatiye kuştin û yek jî birîndar bûye.
Li gorî daxuyaniya Wezareta Parastinê ya Tirkiyeyê, gerîlayên PKKyê li herêma Zap-Avaşînê li hemberî leşkerên wan çalakiyek li dar xistiye.
Di çalakiya gerîlayan de leşkerê wan ê bi navê Salih Ay hatiye kuştin.
Herwiha leşkerek jî birîndar bûye.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.