Ev 5 sal in Tirkiye ava Elokê qut dike
Hewlêr (Rûdaw) – Ev 5 sal in ku Tirkiye nahêle ava Santrala Elokê here Hesekê.
Rêveberiya Xweser a Rojavayê Kurdistanê ragihand, milyonek kes ji ber nehatina avê mexdûr in.
Li gorî daxuyaniya Rêveberiya Xweser, ava Santrala Elokê ya li herêma Serê Kaniyê ji aliyê Tirkiyeyê hatiye qutkirin.
Ev 5 sal in ku Tirkiye avê qut dike û xelkê bajarê Hesekê yê Rojavayê Kurdistanê û xelkê derdorê bê av e.
Xelkê herêmê neçar e avê ji deverên din bi tankêrên bîne.
Her bermîlekî avê bi 5-6 hezar lîreyê Sûrî tê firotin û pêwîstiya her malekê rojane herî kêm bi 5 bermîlan heye.
Li gorî Rêveberiya Xweser, Tirkiyeyê ji Çiriya Pêşîna 2019an ve û heta niha zêdeyî 40 carî ava Santrala Elokê qut kiriye.