Li Amedê pevçûna çekdarî: Kuştî û birîndar hene
Hewlêr (Rûdaw) – Li bajarê Amedê di navbera 2 grûpan de pevçûn derket û di encamê de kesekî canê xwe ji dest da û 2 kes jî birîndar bûn.
Bûyerê li Taxa Îskenderpaşayê ya girêdayî navçeya Sûra Amedê ya Bakurê Kurdistanê rû da.
Li gorî agahiyan, li navçeya Sûrê di navbera 2 grûpan de pevçûna bi çekan çêbû.
Di encamê de kesekî canê xwe ji dest da û 2 kes jî birîndar bûn.
Li ser agadarkirinê, tîmên tenduristiyê û polîs çûn cihê bûyerê.
Li gorî zanyariyan, yek ji êrişkeran ji aliyê polîsan ve hatiye desteserkirin.