Êrişa li Şingalê: 2 fermandaran canê xwe ji dest da
Hewlêr (Rûdaw) – Droneke Tirkiyeyê şeva borî li bajarokê Sinûnê yê Şingalê wesayîtek bombebaran kir.
Di êrişa Tirkiyeyê de 2 fermandarên Yekîneyên Berxwedana Şingalê (YBŞ) canê xwe ji dest da.
Li gorî agahiyên Rûdawê, ew wesayît dema ku li Sinûnê parkkirî bû rastî êrişê hatiye.
Çavkaniyên nêzîkî PKKyê ragihandibû ku di vê êrişê de 3 kes birîndar bûne.
Li aliyê din, heta niha niha ne Tirkiyeyê ne jî YBŞyê li ser mijarê ti daxuyanî nedane.
Artêşa Tirkiyeyê, bi hinceta PKKyê gelek caran bi balafirên şer û dronan herêma Şingalê bombebaran dike.