Li Amedê dest bi ser pirtûkeke bi destxeta Îbranî hat girtin

Hewlêr (Rûdaw) - Li parêzgeha Amedê li Bakurê Kurdistanê pirtûkeke çerm a bi destxeta Îbranî ku tê texmînkirin berhema dîrokî ye, dest bi ser de hat girtin.

Li gorî daxuyaniya Parêzgariyê, di encama xebatên Fermandariya Cendirmeyê Parêzgehê de hat tesbîtkirin, hin şêniyên navçeya navendê Karapinarê li bikiran digerin ku çend berhemên dîrokî bi bifiroşin.

Berşik li Taxa Peyasê ya navçeyê gava dixwestin berhemên dîrokî bifiroşin, hatin girtin.

Di lêgerîna li ser wan û otomobîla wan de pirtûkeke çerm a bi destxeta Îbranî ku tê texmînkirin berhema dîrokî ye, hat desteserkirin.

Berhema bidestxistî bo Rêveberiya Muzeyê hat radestkirin, der heqê 3 berşikên hatin binçavkirin de jî lêpirsîn hat destpêkirin.