Li Çewlîgê qeza: 7 kes birîndar bûn
Hewlêr (Rûdaw) - Li parêzgeha Çewlîgê, minibûs û otomobîlek li hev qelibîn û di encamê de 7 kes birîndar bûn.
Li ser rêya Çewlîg û navçeya wê Dara Hênê, îro minîbûsek û otomobîlek li hev qelibîn.
Li ser agahdarkirinê tîmên tenduristiyê û polîs çûn cihê bûyerê.
Di encama wê qezayê de 7 kes birîndar bûn.
Tîmên tenduristiyê piştî midexaleya destpêkê, birîndar veguhastin Nexweşxaneya Dewletê ya Çewlîgê.
Li gorî amarên Wezareta Karên Navxwe ya Tirkiyeyê di heft rojên betlaneya Cejna Remezanê de li Tirkiye û Bakurê Kurdistanê di encama qezayên trafîkê de 55 kesan can xwe ji dest daye.
Herwiha 7 hezar û 331 kes jî birîndar bûn.