Girtiyekî Kurd ê nexweş canê xwe ji dest da
Hewlêr (Rûdaw) - Girtiyê nexweş ê bi navê Mehmet Guvcîn li Amedê li nexweşxaneya ku lê dihat dermankirin canê xwe ji dest da.
Mehmet Guvcîn beriya 7 mehan bi îdiaya “endamtiya rêxistinê” hatibû desteserkirin û li Girtîgeha Tîpa Tyê ya Şirnexê dihat girtin.
Li gorî nûçeya MAyê, Guvcîn 2 meh bûn li Nexweşxaneya Lêkolîn û Perwerdeyê ya Gazî Yaşargîlê ya Amedê dihat dermankirin.
Lê girtiyê nexweş Mehmet Guvcîn vê sibê cane xwe ji dest da.
Cenazeyê Guvcîn dê li navçeya Cizîrê ya Şirnexê bê veşartin.