Kurdên êzîdî: Îro cejna me ye

Zaxo (Rûdaw)- Kurdên êzîdî di kampên li Zaxo de bi destpêkirina operasyona girtina Şingalê dilxweş in û dibêjin ku îro cejna wan e.

Derbarê wê operasyonê kurdên êzîdî yên nava kampan dibêjin: “Ev salek e ku em koçber bûne û zarok jinên me ji aliyê DAIŞê ve hatine girtin, lewma em dixwazin hem ew rizgar bibin, hem jî bajarê me bê rizgarkirin.”

Koçberekî din dilxweş e bi destpêkirina şerê Şingalê û dibêje: “Îro cejn e bo xelkê Şingalê. Em spasiya Xwedê û Pêşmerge û Serok dikin.”

Operasyona kontrolkirina Şingalê îro danê sibê bi beşdariya 20 hezar Pêşmerge dest pê kir. Li gorî fermandeyên Pêşmerge, Hêzên Pêşmerge pêşde diçin. Heta niha çend gund û deverên girîng ketine destê Pêşmerge.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger