Serok Mesûd Barzanî: Pîrozbahî li malbatên şehîd û Pêşmergeyên qehreman dikim

12-05-2021

Hewlêr (Rûdaw) - Serok Mesûd Barzanî bi munasebeta hatina Cejna Remezanê peyameke pîrozbahiyê belav kir û got “Pîrozbahiyeke germ li malbatên serbilindên şehîdan û Pêşmergeyên qehreman û hemû çînên Kurdistanê dikim.”

“Bi helkefta hatina cejna Remezana pîroz ve, germtirîn pîrozbahiyê pêşkêşî misilmanên cîhanê bi giştî û Kurdistan û Iraq bi taybetî dikim.”

Serok Mesûd Barzanî di peyamê de pîrozbahiyê pêşkêşî malbatên şehîdan jî kir û dibêje “Pîrozbahiyeke germ li malbatên serbilindên şehîdan û Pêşmergeyên qehreman û hemû çînên Kurdistanê dikim.”

Serok Mesûd Barzanî di berdewamiya peyama xwe de hêvî kir û got “Ji xwedayê mezin hêvîdarim rojî û îbadeta meha pîroza Remezanê, li hemû misilmanan qebûl bike û ev cejin bibê cihê dawî hatina nexweşî û kavilkarî û vegerana aramiyê ji bo hemû mirovayetiyê. Hêviya xêr û xweşî û tendirustiyê ji bo hemû aliyek dixwazim.”