DEM Partiyê ji bo Rojava kampanyayek da destpêkirin
Hewlêr (Rûdaw) - Hevserokê DEM Partiyê Tuncer Bakirhan diyar kir ku li Sûriyeyê modela Bakur û Rojhilatê Sûriyeyê tekane modela çareseriyê ye û ew nahêlin ku ew model bê fetisandin.
DEM Partiyê li ser platforma medya civakî Xê bi etîketa #StandWithRojava kampanyayek da destpêkirin.
Hevserokê DEM Partiyê Tuncer Bakirhan li ser hesabê xwe yê Xê bi wê etîketê derbarê rewşa Sûriye û Rojavayê Kurdistanê de bi zimanê Kurdî, Erebî û Tirkî peyamek belav kir.
"Em dê nehêlin modela Bakur û Rojhilatê Sûriyeyê bê fetisandin"
Bakirhan di peyama xwe de got, "Modela Bakur û Rojhilatê Sûriyeyê tekane modela çareseriyê ye, em dê nehêlin ku ev model bê fetisandin."
📍Kuzey ve Doğu Suriye modeli Ortadoğu’daki kaosta tek çözüm modelidir, bu çözüm modelinin nefessiz bırakılmasına izin vermeyeceğiz.
— Tuncer BAKIRHAN (@tuncerbakirhan) December 11, 2024
📍Modela Bakur û Rojhilata Sûriyeyê tekane modela çareseriyê ye, em ê nehêlin ku ev model bê fetisandin.
📍Modelo ke Rojava de ame awankerdene…
Li Sûriyeyê piştî ku rejima Beşar Esed hat hilweşandin "Artêşa Nîştimanî ya Sûriyeyê" ku Tirkiye piştgiriya wê dike êrişî Hêzên Sûriyeya Demokratîk (HSD) kir.
Piştî wê Fermandarê Giştî yê HSDê Mezlûm Ebdî ragihand ku bi navbeynkariya Amerikayê ji bo parastina sivîlên li Minbicê li gel Artêşa Nîştimanî agirbest kirine.
Lê li gel vê daxûyaniya Ebdî dem bi dem êrişên Tirkiye û komên çekdar li ser Rojavayê Kurdistanê berdewam in.
Bombardments targeting several areas in Northern and Eastern Syria, particularly Kobanî, endanger civilian lives. We call on democratic forces and the international community not to remain silent in the face of these attacks and to be a voice against war and the struggle for… pic.twitter.com/86uPDa4FXq
— DEM Parti (@DEMGenelMerkezi) December 11, 2024