Li Milazgirê servîsa mamostayan wergeriya: 8 kes birîndar bûn

RÛDAW

Hewlêr (Rûdaw) - Li navçeya Milazgirê ya parêzgeha Mûşê ya Bakurê Kurdistanê servîsa mamostayan ji ber qeşayê wergeriya, di encamê de 8 kes birîndar bûn.

Li ser rêya di navbera Milazgir û gundê Şeboyê de li nêzîkê gundê Serdawutê, servîsa mamostayan ji ber ku rê qeşa giritbû wergeriya.

Di qezaya trafîkê de şofêr û 7 mamosta birîndar bûn.

Li ser agahdarkirinê tîmên tendursitiyê û cendirme çûn cihê bûyerê.

Tîmên tenduristiyê birîndar veguhastin nexweşxaneyên Milazgir û Kopê.

Derbarê bûyerê lêpirsîn hat destpêkirin.