Li Qersê birûskê li 2 şivanan xist
Hewlêr (Rûdaw) – Li navçeya Sarîqamîşê ya parêzgeha Qersê ya Bakûrê Kurdistanê birûskê li du şivanan xist û her du birîndar bûn.
Li gorî agahiyan, dema Cabbar Gul û Mecit Bedel li zozanê gund li ber pez bûn birûskê li wan daye.
Tîmên tenduristiyê her du şivan birine Nexweşxaneya Dewletê ya Şarîqamîşê.
Hat zanîn ku birînên wan sivik in û metirsî li ser jiyana wan nîne.