Wezîrê Mesîhî bi zimanê xwe û li ser Încilê sond xwar

RÛDAW

Hewlêr (Rûdaw) - Wezîrê Guhestin û Gihandinê Ano Cewher Ebdulmesih Ebdoke di Kabîneya Nehem a Herêma Kurdistanê de, di civîna îro ya Parlamentoya Kurdistanê de bi zimanê xwe û li ser Încilê sonda yasayî xwar.

 

Îro Çarşemê (10.07.2019) Parlamentoya Kurdistanê ji bo baweriya wezîran civiya û Kabîneya Nehem a Herêma Kurdistanê ava bû.

 

Ano Cewher Ebdulmesih Ebdoke bi dengê 80 parlamenteran di Kabîneya Nehem a Herêma Kurdistanê de wek Wezîrê Guhestin û Gihandinê bawerî wergirt.

 

Ebdoke îro li Parlamentoya Kuyrdistanê  bi zimanê xwe û li ser Încilê sonda yasayî xwar.

 

Wezîrê Guhestin û Gihandinê Ano Cewher Ebdulmesih Ebdoke bi rêgez Mesîhî ye û ser bi lîsteya Partiya Demokrata Kurdistanê (PDK) ve ye.

 

Di civîna îro ya parlamentoyê de, Mesrûr Barzanî bi dengê 88 parlamenteran weke Serokwezîrê Nû Yê Herêma Kurdistanê hate hilbijartin.

 

Herwiha berbijêrê ji YNKê, Qubad Talebanî jî bi dengê 73 parlamenteran weke Cîgirê Serokwezîrê Herêma Kurdistanê bawerî ji parlamentoyê wergirt.