Barzanî û Elawî: Bê lihevkirin kirîza siyasî nayê çaresekirin

Hewlêr (Rûdaw) – Serokê Herêma Kurdistanê Mesûd Barzanî û Serokê Îtîlafa Niştîmaniya Iraqê Dr. Eyad Elawî ragihandin, aliyên siyasî heya ku ji bo bihev re bixebitin li hev nekin, kirîza siyasî nayê çareserkirin.

Serokê Herêma Kurdistanê Mesûd Barzanî îro li navçeya Selahedînê ya Hewlêrê pêşwaz li Serokê Îtîlafa Niştîmaniya Iraqê Dr. Eyad Elawî û şanda pê re kir.

Li gor daxuyniya Serokatiya Herêma Kurdistanê, di hevdîtinê Mesûd Barzanî derbarê rewşa Iraqê û kirîza siyasî û çawayiya çareserkirina kirîzî de bîr û rayên xwe ji Eyad Elawî û şanda pê re, diyar kiriye.

Her li vê hevdîtinê de herdû alî li ser wê yekê hevrê bûn ku aliyên siyasî heya ku ji bo bihev re bixebitin li hev nekin, kirîza siyasî nayê çareserkirin.