Wezareta Elektrîkê bersiva Rakan Cibûrî da

RÛDAW

Hewlêr (Rûdaw) - Rêveberê Kontrola Elektrîkê ya Herêma Kurdistanê ragihand ku Herêma Kurdistanê berdewam li gor pêwîst elektrîk daye Kerkûkê û ji parêzgahên din ên Harêma Kurdistanê cuda nekiriye.

 

Rêveberê Kontrola Elektrîkê ya Herêma Kurdistanê Umêd Ehmed, beşdarî Bernameyê Mijar ê Radyoya Rûdawê bû.

 

Umêd Ehmed diyar kir: "Wezareta Elektrîkê berdewam pişka Kerkûkê daye û di dema civîna çapemeniyê ya Parêzgarê bi Wekalet ê Kerkûkê Rakan Cibûrî de, ji Herêma Kurdistanê 105 megawatt elektrîk ji Kerkûkê re dihat şandin û li ser vê yekê jî berdewam dibin."

 

Parêzgarê bi Wekalet ê Kerkûkê Rakan Cibûrî di civîneke çapemeniyê de îdia kiribû ku Herêma Kurdistanê elektrîkê nade parêzgeha Kerkûkê.