Li Başûrê Kurdistanê leşkerek hat kuştin
Hewlêr (Rûdaw) – Li Başûrê Kurdistanê leşkerekî Tirkiyeyê hat kuştin.
Wezareta Parastinê ya Tirkiyeyê ragihand ku li Başûrê Kurdistanê leşkerekî wan hatiye kuştin.
Li gorî daxuyaniya Wezaretê, ew leşker îro hatiye kuştin û navê wî Habîp Murat Alp e.
Wezaretê da zanîn ku Habîp Murat Alp di çalakiyeke gerîlayan de hatiye kuştin û wekî din ti agahî nedan.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.