Tirkiyeyê, Kobanî û Eyn Îsa topbaran kirin
Hewlêr (Rûdaw) - Artêşa Tirkiyeyê îro serê sibehê gundên bakurê Kobaniyê û gundekî rojhilatê navçeya Eyn Îsayê bi awayekî dijwar topbaran kirin.
Li gorî zanyariyên xwecihî, demjimêr 01:00ê artêşa Tirkiyeyê, gundên Carqilî, Gultepe û Til Şiîrê yên Kobaniyê topbaran kirin.
Li aliyê rojhilat jî gundên Zormixar, Şiyûxa Jorîn û Baxdikê ketin ber wê topbaranê.
Li Eyn Îsayê jî gundên Mişêrfe, Ebû Netûne, Tirwaziye û Sakîroyê û seyrangeha El Saqirê bûn armanca êrişan.
Di derbarê zerer û ziyanan de ti agahî nehatine belavkirin û HSDyê jî ti daxuyanî nedane.
Herwiha li gorî agahiyan, her di heman demê de balafirên şer ên Tirkiyeyê gundê Malikiyeyê yê navçeya Şerayê ya Efrînê jî bombebaran kiriye.
Gundên bakur û rojavayê Minbicê jî bi heman awayî bi çekên giran hatine topbarankirin.