AMED - Muxtarek kuştî hat dîtin: Guleyek li serê wî ketiye

RÛDAW

Hewlêr (Rûdaw) - Li navçeya Çermûgê ya Amedê muxtar Yilmaz Koca (44) kuştî hat dîtin.

Bûyer bi şev li gundê Şêxandedeyê yê navçeya Çermûgê ya Amedê qewimî.

Li gorî îdiayê Yilmaz Koca ji bo ku êm bide ajelên xwe çû kadîna nêzîkî mala xwe.

Piştî hevjîna wî ferq kir ku ew hîn venegeriyaye malê, çû kadînê û dît ku hevjînê wê ji serê xwe gule xwariye û li erdê ye.

Li gorî nûçeya DHAyê, li ser agahdariyê tîmên tenduristiyê û cendirme çûn cihê bûyerê.

Hat diyarkirin ku muxtar Yilmaz Koca canê xwe ji dest daye.

Tîman ji bo otopsiyê cenaze bir Saziya Tiba Edlî ya Amedê.

Derbarê bûyerê de lêpirsîn hat destpêkirin.