Hevpeymana Demokrasî û Azadî ya Kurd îro karnameya xwe ya hilbijartinan eşkere dike

Hewlêr (Rûdaw) - Hevpeymana Demokrasî û Azadî ya Kurd ku Partiya Kesk a Çep ligel partiyên siyasî yên li Bakurê Kurdistanê pêk aniya îro karnameya xwe ya derbarê hilbijartinên 14ê Gulanê de eşkere dike.

Hevpeymana Demokrasî û Azadî ya Kurd îro Duşemê 3ê Nîsana 2023an demjimêr 11:00an li navçeya Peyasê ya ser bi parêzgeha Amedê ya Bakurê Kurdistanê ve li ser karnameya xwe ya hilbijartinên serokkomarî û yên parlamentoyê civînekê saz dike.

Partiya Çep a Kesk ku di nav Hevpeymana Ked û Azadiyê de jî cihê xwe digre, di heman demê de ligel partiyên siyasî yên li Bakurê Kurdistanê jî Hevpeymaniya Demokrasî û Azadî ya Kurd pêk aniye.

Di civînê de dê Hevserokê Kongreya Civaka Demokratik (DTK) Berdan Ozturk, Hevseroka Partiya Herêmên Demokratîk (DBP), Hevseroka Partiya Çep a Kesk Çigdem Kiliçgun Uçar, Hevserokê Partiya Demokratîk a Gelan (HDP) Mithat Sancar, Serokê Partiya Azadî Ayetullah Aşiti, Serokê Partiya Mirov û Azadî (PIA) Mehmet Kamaç, Serokê Partiya Komunîst a Kurdistanê Sînan Çiftyurek, Serokê Partiya Sosyalîst a Kurdistanê (PSK) Bayram Bozyel û ji Komeleya Şoreşger, Demokrat a Kurd Abdulhey Okumuş beşdar bibin.