Hewlêr (Rûdaw) - Li navçeya Xelîliyê ya navendî ya ser bi parêzgeha Rihayê ya Bakurê Kurdistanê ve, di şerê du aliyan de li gor zanyariyên destpêkê 2 kes hatin kuştin û 4 kes birîndar bûn.
Li gor zanyariyan, îro 3ê Sibata 2023ê li Taxa Esentepe ya Xelîliyê du aliyên ku pirsgirêka wan a erdan hebû rastî hev hatin û di navbera wan de şer derket.
Her du aliyan bi kevir, dar û çekan êrîşî hev kirin. Di encamê de li gor zanyariyên destpêkê 2 kes hatin kuştin û 4 kes birîndar bûn.
Li ser agahdarkirinê tîmên tendirustiyê û polîs bo cihê bûyerê hatin şandin. Birîndar ji aliyê tîmên tendirustiyê ve bo nexweşxaneyên cuda yên Rihayê hatin veguhestin.
Derbarê bûyerê de lêpirsîn hat destpêkirin û heta niha 2 kes hatine desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse