Serkan Ramanli: Nedana mazbataya Abdullah Zeydan xesp e

RÛDAW

Hewlêr (Rûdaw) – Parlamenterê Êlihê yê HUDA-PARê Serkan Ramanli derbarê biryara nedana mazbataya şaredarbûnê ya Abdullah Zeydan got, “Nedana mazbataya Abdullah Zeydan xesp e.”

31ê Adarê li Tirkiye û Bakurê Kurdistanê hilbijartinên xwecihî hatin kirin.

Namzedê DEM Partiyê Abdullah Zeydan bi rêjeya ji sedî 55,48an li Wanê bûbû yekem.

Namzedê AK Partiyê Abdulahat Arvas jî li Wanê bi rêjeya ji sedî 27,15an bûbû duyem.

Lê Lijneya Hilbijartinan a Bajêr mazbataya şaredarbûnê da namzedê AK Partiyê.

Parlamenterê Partiya Doza Azad (HUDA-PARê) Serkan Ramanli li ser hesabê xwe yê Xê bi peyamekê nerazîbûn nîşan da.

Serkan Ramanli got:

"Piştî hilbijartina Şaredariya Bajarê Mezin a Wanê nedayîna mazbatayê ji bo namzedê bi ser ketî, desteserkirina îradeya gel e.

Heger ji bo namzediyê mafê wî tunebû, çima YSKyê namzediya wî pesend kir?

Bi hîleyên Alî Cengîz bidestxistina kursiyan, sîyaseta herî nizim e."