ALMANYA - Komeke şanoyê 4 parçeyên Kurdistanê digihîne hev
Almanya (Rûdaw) - Diyasporaya Kurdî li Almanyayê ne tenê di qada kar û xwendinê de serketî ye, herwiha karên çandî yên çê jî dike.
Yek ji wan ew koma şanoyê ye ku çend hunermendên beşên Kurdistanê û tewra Gurcistanê jî li bajarê Hannoverê Komên şanoyê yên veguhêz ava kirine.
Aktrîs Sabat Salih û stranbêj û aktrîs Îlona Avêsta mêvanên Diyasporayê bûn ku du jinên aktrîs ên endamên komê ne.
“Me her çar parçeyên Kurdistanê anîne cem hev”
Pêşî Sabat Salihê biland, “Koma me berfireh e û me her çar parçeyên Kurdistanê di koma xwe de anîne cem hev.”
Sabat Salihê li ser lîstina rola xwe li ser şanoyê got:
“Li ser sehneyê dibim karaktera ku rola wê dilîzim û dixwazim wêneyê zindî nîşan bidim.”
Sabat Salih qala rola jina Kurd kir ku dikare şopa xwe di hemî qadan de bihêle û got:
“Divê malbat piştgiriyê bidin jinên Kurd û ew bi xwe jî xwe bi pêş bixin.”
Îlona Avêstaya ku hem stranbêj e û hem jî aktrîs û şanokar e, di şanoyan de bêhtir fena stranbêj xuya dike.
“Çîroka Kurdên Êzidî yê Gurcistanê vedibêjim”
Îlona Avêstayê got, “Kêfxweş im bi beşdarbûna komeke şanoya Kurdî” û pê de çû:
“Min sala 2015an dest bi strangotinê kir û heya vêga jî berdewam dikim û di stranên xwe de çîroka Kurdên Êzidî yê Gurcistanê vedibêjim.”