Adarê li Tirkiyeyê 105 hezar û 395 xanî hatine firotin
Hewlêr (Rûdaw) - Saziya Amaran a Tirkiyeyê (TUIK) ragihand meha borî li Tirkiye û Bakurê Kurdistanê 105 hezar û 395 xanî hatine firotin.
Li gorî amarên TUKê, li gorî heman meha sala borî rêjeya firotina xaniyan ji sedî 0,1 kêm bûye û bûye 105 hezar û 395 xanî.
Her sê mehên destpêkê yên îsal jî li gorî heman dema par firotina xaniyan sedî 1,3 kêm bûye û 279 hezar û 604 xanî hatine firotin.
Xanî herî zêde li Stenbol, Enqere û Antalyayê herî kêm jî li Erdexan, Colemerg û Bayburtê hatine firotin.
Meha adarê li Erdexanê tenê 23 xanî û li Colemêrgê jî 55 xanî hatine firotin.